الموضوع: يا هي صعبه .. ضيقة الشخص الكتوم

ماعليك إن طحت ياحظي ملام
وان بغيت ألوم.. قلي من ألوم


ضاقت الدنيا و لا عندي كلام
يا هي صعبه .. ضيقة الشخص الكتوم




من يلوم ان صار باحساسه زحام
و السهر عيا عن احزانه يقوم




ضايع ٍ وسط الهواجس و الظلام
في عيونه ياااه .. يا كثر الهموم




رغم انه عااش .. من فوق الغمام
بس ما يطمح بما دون النجوم




حط ّ له بين البشر قدر .. ومقام
وين ما وجــّـه .. عزيز ٍ و امحشوم




من تنكـّـر .. صد ّعنــّـه باحترام
و اللي وافي .. شايله فوق الغيوم




ما نثر دمعه .. على صــدّه غراام
و لاوقف في سوق خلاّنه .. يسوم




لو زعل .. صد ّ و نسى كل الخصاام
ما يفارق صاحبه .. لو هو جزوم




مؤمن ان الغدر في شرعه حرااام
ومنغدَر به .. يبتعد عنه ْ .. و يشوم




و انت يا قلبي .. اصحــّـيك وتنام
ودي تصحى بس ابي تصحالي .. دوم




قلت لك لاتطمح براس النعام
ولا تطب ّ اليم ّ.. دامك ما تعوم




ولاتضيم الحي ّ .. وحيــّـك ما يضام
وان خذوا لك حق.. لاتشكي وتلوم





العطا .. يبيــّـن على وجيه الكرام
لاتظن الطيــب ينفع بالرخوم

صح لسانكِ

ومشكورة على هذه القصيدة الرائعة

كلمات جدا فى غايه المعانى والقيم

مشكوووره الخنساء على هذاالانقاء

كلمات في الصميم

يعطيك العافيه على هذا النقل

بارك الله فيكم وعلى طيب تواصلكم